عرفت اني احبك حيل و تو ما صار لي يومين
و مو قادرة على فرقاك و بعدك يا الغلا عني
احبك و القمر يشهد و عطر الورد و الخدين
مع اني عارفة احساسك و هذا اللي مجنني
حبيبي لو تبي عيوني عطيتك يالغلا الثنتين
و لو تبغا بعد شي غير .. اطلب اللي تبي مني
و امر على كل شي حاضر على راسي و بعد العين
و لو قلت ارحلي عني اطيعك بس علمني
و قلي شلون ابرحل عنك يا اللي ما بقلبك شين
ترى ماقدر.. و اذا عزمت بعدك حكم يقتلني
و الله كل ما تبتعد يزيد لك الحب حبين
بكيفي لو ابي حبك... موافق... لاء... مايهمني
انا قلبي اذا عزم على صيده و شافه زين
محال القلب يتنازل عن الصيده و تغلبني