السلام عليكم
--------------------------
أحمد: هلا والله, شخبارك؟
بـدر: والله زين اخوي. أقول, أنا طلعت لي خط تلفون زين
أحمد: صج؟ زين الإرسال يعني؟ لو سعره زين؟
بـدر: لا لا, ما فهمت, اهو الخط زين
أحمد: إي فهمت بس يعني شنو الي زين فيه؟
بـدر: لا أشفيك ثقيل اليوم؟ الخط نفسه زين ..
أحمد: يبه اشفيك تستهبل اليوم. زين انك طلعت لك خط, بس شنو الزين فيه؟ اذا صج زين أنا بعد بطلع لي خط وياك... الخط شنو, بتلكو لو فودافون؟
بـدر: يا ربي, ما تفهم أنت؟ أقولك الخط زين! زين ! لا بتلكو ولا فودافون. فودافون صاروا زين! اف
أحمد: أشفيك ما تعرف تتكلم عربي عدل؟ قصدك فودافون صاروا زينين؟ خدمتهم يعني؟
بـدر: لا حول ولا قوة إلا بالله
أحمد: أشفيك الحين؟
بـدر: ما فيني شي .. أنا زين
أحمد: أنت خط تلفون يعني؟
